बियाणे हे कृषी उत्पादनातील वाढीमध्ये महत्त्वपूर्ण आदान असून दरवर्षीकृषिबांधवांना नव्याने सुधारित बियाणे खरेदी करावे लागते. प्रत्येक हंगामामध्येबियाणांचा तुटवडा निर्माण होतो. दर्जेदार बियाणे शेतक-यांपर्यंत पोहचत नाही.त्यामुळे उत्पादनवाढीवर अनिष्ट परिणाम होतो. अलिकडे बियाणांची समस्याप्रकर्षाने जाणवू लागली आहे. महाराष्ट्रातील शेती मोठ्या प्रमाणावर कोरडवाहूअसल्याने व मान्सूनच्या पावसानंतर एकाच वेळी पेरणीची परिस्थिती निर्माणझाल्यामुळे बियाणांचा तुटवडा निर्माण होऊन, वेळीच दर्जेदार बियाणे उपलब्धन झाल्याने कृषी उत्पादनात लक्षणीय घट होते.

अलिकडेच महाराष्ट्रातील शेतक-यांच्या आत्महत्त्येवर प्रभावी उपाय-योजना करण्यासाठी नेमलेल्या डॉ. नरेंद्र जाधव यांच्या एकसदस्यसमितीनेदेखील शेतक-यांना दर्जेदार बी-बियाणे पुरवठ्यावर भर दिलेलाआहे. शेतकरी आत्महत्याग्रस्त भागामधील ' पंतप्रधान मदत पॅकेज'अंतर्गतदेखील २००६ ते २००८ या कालावधीत ९,६७,००० किंटलबियाणांचे वाटप केले असून त्यामध्ये प्रामुख्याने ज्वारी, गहू, मका, सूर्यफूल,तूर, हरभरा व करडी या बियाणांचा समावेश होतो. यावरून बियाणांचा वकृषी उत्पादनवाढीचा संबंध दिसून येतो.