शब्दवेल कविता संग्रहाला प्रस्तावना कवीमनाच्या आणि कवितेत रमणाऱ्या आदरणीय आशाताई पैठणे यांनी दिली. यामुळे शब्दवेल पल्लवीत झाली. माझी इच्छा होती की, प्रस्तावना आशा ताईकडून घ्यावी, ती फलद्रुप झाली. तसेच ज्येष्ठ साहित्यिक कवी प्रा. विलास वैद्य सरांनी स्वास्थ्य ठीक नसतानाही पाठराखणचा मजकूर पाठवला तो प्रेमातीत आहे.

माझा नातू चि. ओंकार दीक्षित याने लॅपटॉपवरून वारंवार टंकलेखन करण्याचे काम केले, ते प्रोत्साहनपूरक झाले. त्याचप्रमाणे या माझ्या अल्पशा कामास मान्यवरांकडून शुभेच्छा, आशीर्वाद मिळाले. जे प्रेरणादायी होऊन हुरूप वाढविला व कामास गती मिळाली. करिता त्यांचे ऋणानुबंध कायम टिकवून ठेवण्याच्या अक्षय प्रयत्नात असेन.

अक्षर जुळवणी श्री उपेंद्र जोशी तर मुखपृष्ठ श्री दीपक बिडकर यांनी उत्कृष्ट केले. तर कवितानुरुप उरेखाचित्रे सौ. कविता जोशी व दीपक बिडकर यांनी साकारले. आणि विशेष म्हणजे ही कामे अतिशय उत्तमरित्या विनाकंटाळा पार पाडली गेली. हा माझ्या प्रेमाचा ठेवा आहे, तो मी कायम जपेन.

शेवटचा अत्यंत महत्त्वाचा टप्पा म्हणजे पुस्तक छपाई, जो आमचे स्नेही डॉ. देवदत्त देशपांडे, यांनी त्यांचे प्रिंटींग प्रेस मधून सुबक व सुंदर छपाई करून दिली.

स्नेहांकित, दि. मा. देशमुख (सलगरकर)